Click it and Unblock the Notifications
வாசனை திரவியங்கள்
தலை மற்றும் உடலுக்கு மென்மையாக வாசனைதிரவியங்களையும், எண்ணெய்களையும் பூசினால் அந்த வாசனையானது ஆளை அசத்தும். அப்புறம் என்ன உங்கள் படுக்கையறையில் உற்சாகத்திற்கு கேட்கவா வேண்டும். இயற்கை மூலிகைகள் நிரம்பிய அரோமா ஆயில் உபயோகிப்பது ஆரோக்கியமானது என்று மருத்துவர்கள் பரிந்துரைக்கின்றனர். மல்லிகை, ரோஜா போன்ற மலர்களின் வாசனை அடங்கியவை என்றால் ஆட்டம் பாட்டம் அமர்களம்தான்.
கண்ணாமூச்சி விளையாட்டு
ஒருவர் கண்ணை கட்டிக்கொண்டு தொட முயற்சிப்பது உறவிற்கு உற்சாகம் தரும் விளையாட்டு. இது வேண்டும் என்றே தொட அருகில் வருவதும், பின் விலகி ஓடுவதும் என தொட்டு விட தொட்டு விட உறவு தானாய் மலரும். போரடிக்காத இந்த விளையாட்டை அடிக்கடி விளையாடலாம்.
இறகால் வருடலாம்
மென்மையான குஞ்சங்களைக் கொண்ட ஃப்ரஸ்சினால் வருடுவது, இறகால் மென்மையாய் தொடுவது மனதையும், உடலையும் உற்சாகமடையச் செய்யும். எங்கு தொட்டால் சிலிர்க்குமோ, அங்கே இவற்றை உபயோகித்து விளையாடலாம். இது மனதின் ரொமான்ஸ் பக்கங்களை தூண்டிவிடும்.
மாற்றம் தரும் இசை
காதல் உணர்வுகளை தூண்டும் மெல்லிய இசை நிச்சயம் மனதில் உற்சாகத்தை ஏற்படுத்தும். எனவே தினமும் இரவு நேரங்களில் மூடு வர காதல் பாடல்களை கசியவிடுங்கள். அப்புறம் என்ன உற்சாகம் உங்களுக்கு கை கொடுக்கும்.
சுவையான உணவுகள்
காதல் உணர்வுகளை தூண்டுவதில் உணர்வுகளுக்கு முக்கிய பங்குண்டு. கருப்பு திராட்சைகளை கைகளில் எடுத்து ஊட்டிவிட்டு விளையாடலாம். ஜாம், ஜெல்லி, கிரீம் போன்றவைகளை சாப்பிடும் போது விளையாட்டாக முகத்தில் பூசி அதை துடைப்பதுபோல ரொமான்சை தொடங்கலாம்.
