•  

தும்மலா? அப்ப 'அதே'தான்...!

Couple
 
'அச் அச்' என்று தும்முகிறீர்களா.. அப்படியானால் நீங்கள் செக்ஸ் குறித்த சிந்தனையில் இருக்கிறீர்கள் என்கிறது ஒரு ஆய்வு.

தும்மல் வந்தால் உடனே சளி பிடித்து விட்டதோ என்று எண்ணக் கூடாதாம். மாறாக, செக்ஸ் குறித்த எண்ணம் இருந்தால்தான், அந்தக் கோணத்தில் சிந்தித்துக் கொண்டிருந்தால்தான் தும்மல் வரும் என்கிறார்கள் நிபுணர்கள்.

இதுகுறித்து ஆக்ஸ்போர்டில் உள்ல ஜான் ரேட்கிளைப் மருத்துவமனையில் காது மூக்குத் தொண்டை நிபுணராக இருக்கும் டாக்டர் மஹமூத் பட்டா கூறுகையில், என்னிடம் ஒரு நோயாளி வந்தார். கட்டுப்படுத்த முடியாத அளவுக்கு அடிக்கடி தும்மல் வருவதாக கூறினார். அதுகுறித்து அவரிடம் விரிவாகப் பேசியபோது, செக்ஸ் குறித்த சிந்தனை எப்போதெல்லாம் அவருக்கு வந்ததோ அப்போதெல்லாம் கட்டுப்படுத்த முடியாத அளவுக்கு தும்மலும் வந்திருப்பதை நான் உணர்ந்தேன்.

நான் இதை அவரிடம் சொன்னபோது அவரால் நம்ப முடியவில்லை. இதையடுத்து இதுதொடர்பான ஆராய்ச்சியை விரிவுபடுத்த எணணி இன்டர்நெட் மூலம் தகவல்கள் சேகரித்தேன்.

தும்மல், செக்ஸ் குறித்து அதிகம் உரையாடியவர்கள் குறித்த கூகுள் சர்ச்சில் தேடிப் பார்த்தபோது ஏராளமான தகவல்கள் எனக்குக் கிடைத்தன.

நான் சேகரித்த தகவல்களின்படி இரு பாலினங்களையும் சேர்ந்த 17 பேருக்கு செக்ஸ் குறித்த சிந்தனை வந்தபோதெல்லாம் தும்மலும் வந்ததாக தெரிவித்தனர். அதேபோல ஆர்கஸம் ஏற்பட்ட பிறகு தும்மல் வந்ததாக 3 பேர் தெரிவித்திருந்தனர்.

இப்படி செக்ஸ் சிந்தனை வரும்போது தும்மல் வருவதற்கு நமது நரம்பு மண்டலத்தில் உள்ள தானியங்கி நரம்பு கட்டமைப்பே காரணம்.

இந்த நரம்புப் பிரதேசம் நமது கட்டுப்பாட்டுக்கு அப்பாற்பட்டது. இந்த நரம்புக் கட்டமைப்புதான் பல்வேறு செயல்களை கட்டுப்படுத்துகிறது. அதாவது இதயத் துடிப்பு, நமது கண் விழித் திரையில், நுழையும் ஒளியின் எண்ணிக்கை உள்ளிட்ட முக்கியமான சில செயல்களை இது கட்டுப்படுத்துகிறது.

சில சமயம் இதன் வேலையில், பிற சமிக்ஞைகள் குறுக்கிடுவதும் உண்டு. அப்படி நேரும்போதுதான் இந்த தும்மல் போன்றவை ஏற்படுகிறது. அதாவது செக்ஸ் உணர்வு தூண்டப்படும்போது சமிக்ஞைகள் குறுக்கிட்டு தும்மலை ஏற்படுத்துகிறது என்கிறார் பட்டா.

'நச்'சுன்னு எதையாவது நினைத்துப் பாருங்கள், 'அச்'சுன்னு தும்மல் வருதான்னு பார்க்கலாம்...!

Story first published: Friday, July 31, 2009, 10:09 [IST]

Get Notifications from Tamil Indiansutras

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Indiansutras sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Indiansutras website. However, you can change your cookie settings at any time. Learn more